مجددِ مئۃِ حاضرہ شیخ الاسلام ڈاکٹر محمد طاہر القادری کی 75ویں سالگرہ کی مناسبت سے میرپور آزاد کشمیر میں ایک پروقار تقریب منعقد ہوئی۔ جس میں شیخ فرحان عزیز مرکزی صدر MSM نے خصوصی شرکت اور گفتگو کی۔
گفتگو کرتے ہوئے مرکزی صدر MSM نے کہا کہ طلباء شیخ الاسلام ڈاکٹر محمد طاہر القادری کو اپنا رول ماڈل بنائیں۔ مذہب، سیاست، قیامِ امن، خدمتِ انسانیت، فروغِ علم اور فنِ خطابت کے میدان میں ڈاکٹر محمد طاہر القادری کا کوئی ثانی نہیں۔
تقریب کے دوران صدر جامعہ مسٹ (MUST) میاں ذیشان اور مرکزی ڈپٹی جنرل سیکریٹری MSM محمد سہیل مجید نے مصطفوی سٹوڈنٹس موومنٹ میرپور کی کارکردگی رپورٹ پیش کی۔ اختتام پر شیخ الاسلام کی 75ویں سالگرہ کا کیک کاٹا گیا اور ان کی صحت و درازیِ عمر کے لیے خصوصی دعا کی گئی۔
اس موقع پر سرپرست منہاج القرآن میرپور مظہر قادری، اسامہ مشتاق (صدر MSM لاہور زون)، راشد حسین مصطفوی (مرکزی ناظم مراکزِ علم MSM)، محمد طاہر قریشی، سید فیضان شاہ، حسین محی الدین، عاصم اکرام ایڈووکیٹ، منصور احمد مغل، سید سبطین حیدر، محمد جواد، سید حنظلہ اور جامعہ مسٹ کے طلباء کی بڑی تعداد موجود تھی۔
تبصرہ